Guliston davlat universiteti devonxona va arxiv bo’limi mudirasi: Yarkinbaeva Sayyora Jonibekovna

Qabul kunlari: : Har kuni (9:00-17:00)

Rus tili, turk tili, ingliz tillari

67-225-31-34

Mehnat faoliyati

1993-1998 yy. - Guliston davlat universiteti talabasi
1998-2005 yy. - Mirzaobod tumani 10-maktab o’qituvchisi
2005-2008 yy. - Mirzaobod tumani 1-maktab o’qituvchisi
2008-2017 yy. - Guliston davlat universiteti o’zbek adabiyoti kafedrasi katta laboranti
2017-2017 yy. - Guliston davlat universiteti rus tili va adabiyoti kafedrasi kabinet mudiri
2017 y. - h.v. - Guliston davlat universiteti devonxona va arxiv bo’limi mudirasi

Bo‘lim haqida

Devonxona arxiv bo`limida 4 nafar xodim faoliyat yuritadi. Devonxona va arxiv bo`limi boshligi – S.Yarkinbayeva, Ish yurituvchi – A.Yuldashev, H. Abdukarimov, arxivarius – S.Haytmetovalar.
Devonxona va arxiv bo`limi internet tarmog`iga ulangan va xona lokal tarmoqqa ulangan bo`lib 3 dona kompyuter, 2 ta printer, 1 ta skaner bilan jihozlangan.
Devonxona bo`limi quyidagi 3 ta pochtalar orqali xatlar qabul qiladi
1. Infox edu.uz
2.ijro.gov.uz
3.exat.uz
Vazirlar Mahkamasining 1999 yil 12 fevraldagi 12-sonli «Ijro intizomini mustahkamlash to’g’risida»gi, 1999 yil 29 martdagi 140-sonli «O’zbekiston Respublikasining davlat hokimiyati organlarida va boshqarmalarida ish yuritish bo’yicha me’yoriy hujjatlarni tasdiqlash va ijro nazoratini tashkil qilish to’g’risida»gi qarorlariga amal qilgan holda universitetda hujjatlarni ijro intizomi bo’yicha ish yuritilishiga amaliy yordam ko’rsatadi va bu boradagi ishlar sifatini nazorat qiladi.
O’zbekiston Respublikasi Oliy Majlisi, Prezident devoni va Vazirlar Mahkamasi va boshqa vazirlik, idora, tashkilotlardan kelib tushgan hujjatlarni qabul qiladi, ro’yxatga oladi va (ijro.gov.uz) avtomatlashtirilgan dastur orqali rahbarga zudlik bilan etkazadi.
Boshqaruv faoliyatini hujjatlashtirish, xatlarni jo’natish va ichki hujjatlarni tuzish, rasmiylashtirish ishlarini amalga oshiradi.
Hujjatlarni belgilangan muddatda idoraviy arxivga topshirishga tayyorlaydi va topshiradi.

Devonxona va arxivbo’limining vazifalari:
Universitet tarkibiy qismlarida ish yuritishni to’g’ri tashkil qilish;
Rektor topshirig’iga asosan universitet xodimlarini O’zbekiston Respublikasi qonunlari, Respublika Oliy Majlisi hujjatlari, Respublika Prezidenti Farmonlari, Vazirlar Mahkamasining qaror va farmoyishlari, Prezident devoni hamdaRespublika vazirlik, idora va tashkilotlaridan kelgan hujjatlar bilan tanishtiradi.
Yangi ishga kelgan xodimlarni ish yuritish bo’yicha Yo’riqnoma, ichki mehnat tartibi va ish yuritish bo’yicha boshqa hujjatlar bilan tanishtiradi;
Universitet xodimlari bilan birgalikda rektor buyrug`i, farmoyish va javob xatlari loyihalarini sifatli tayyorlashga ko’maklashadi;
Universitetga kelib tushayotgan barcha hujjatlarning nusxalarini tegishli mas’ul xodimlarga yetkazishni tashkil qiladi;
Universitetda ish yuritishni davlat tilida olib borilishini, kompyuterlashtirilishini, kelgan axborotlarni qayta ishlanishini hamda ish yuritish madaniyatini oshirilishini ta’minlaydi;
Hujjatlarni doimiy tahlil qilish hamda rahbariyatga tayyorlanadigan me’yoriy hujjatlarning sifatini oshirish, hujjatlar aylanma harakatini kamaytirish yuzasidan takliflar kiritish;
Rahbariyat tomonidan nazorat qilinadigan hujjatlar: O’zbekistan Respublikasi Prezidenti Farmon, farmoyishlari, Oliy
Majlis qaror, topshiriqlari, qonunlar, Vazirlar Mahkamasi qaror va farmoyishlari, Oliy va o’rta maxsus ta’lim vazirligi buyruqlari, Hay’at qarorlari, modemnomalari , viloyat hokimi qaror, farmoyishlari, Xalq deputatlari viloyat kengashi sessiya qarorlari, hamda fuqarolar taklif va arizalarini o’z vaqtida ko’rib chiqilishini tashkil qiladi;
O’zbekiston Respublikasi Prezidenti devoni, Vazirlar Mahkamasi, Oliy Majlisi hamda vazirlik va idoralar tomonidan so’ralgan axborotlarni o’z vaqtida yetkazilishini nazorat qiladi;
Universitetda fuqarolar yozma va og’zaki murojaatlarining o’z vaqtida ko’rib chiqilishi ustidan nazorat o’rnatadi;
Universitetda hujjatlar saqlanishini ta’minlash va nazorat qilish, hujjatlar nomenklaturasini tuzish;

Bosh sahifa